Зәй офыклары

Кадер авылында яшәүче Мәүлидә Газизҗан кызы Фәтхуллина март ахырында күркәм юбилеен – 75 яшен билгели.

Общее, 30 март 2018 - 08:47
261
0
0

Катлаулы, әмма мактаулы гомер юлы насыйп итә аңа Аллаһ Тәгалә. Казан дәүләт педагогика институтын тәмамлаганнан соң, язмыш Саба ягында туып-үскән кызны  туган җиреннән бик ерак урнашкан Зәй районына китерә. Биредә ул чибәр, булдыклы, ышанычлы егет Мәсләхне очрата һәм тормыш юлдашы итеп сайлый.  Алар шатлыкларны  уртаклашып, кайгыларны бергә бүлешеп, бер-берсенә терәк, таяныч булып, ярты гасырга якын гомер кичерәләр. Сынаулар күп була тормышта, әмма алардагы рух ныклыгы, көчле ихтыяр, бердәмлек  каршылыкларны һәрвакыт җиңеп чыгарга ярдәм итә. Изге күңелле, олы йөрәкле, сабыр холыклы әниебез 40 ел гомерен балаларга белем һәм тәрбия бирүгә багышлады. Һөнәрен чын күңелдән яраткангадыр, укучыларда үз фәненә карата кызыксыну уяту, төпле белем бирү өчен көчен дә, энергиясен дә, вакытын да кызганмады. Аның намуслы хезмәте турында  РСФСРның атказанган мәгариф отличнигы күкрәк билгесе, төрле дәрәҗәдәге күпсанлы Мактау кәгазьләре сөйли. Ул тормышта үз урынын табарга булышкан укучыларының күбесе бүген дә аны онытмый, тирән хөрмәт белән искә алып, кайнар сәламнәрен тапшырып торалар.
Кадерле әниебез! Сине күркәм юбилеең белән чын күңелдән котлыйбыз. Сиңа сәламәтлек, бәхет-куанычлар, җан тынычлыгы телибез! Алга таба да балаларың ярдәменә таянып, оныкларыңа куанып,  әтиебез белән иңгә-иң торып, озак еллар исән-имин яшәргә язсын.
Без бәхетле, бик тә бәхетле
Әти-әни исән булганда
Туып-үскән газиз нигездә
Безне һәрчак көтеп торганга.
Ямьле яз аенда тугангадыр,
Шатлык белән тулы күңелең.
Ходай сиңа тыныч картлык бирсен,
Озын булсын әле гомерең.
Иң изге теләкләр белән кызың Чулпан, киявең Рәис, улың Илсур, киленең Чулпан һәм биш оныгың.
Бу теләкләргә әтиебез дә кушыла.

Нравится
Поделиться:
Реклама
Реклама
Комментарии (0)
Осталось символов: