Зәй офыклары

Зәйдә “Иң яхшы иминиятләүче” исемен алучылар тәбрикләнде (фотолар)

Россия Пенсия фонды ел саен үткәрелүче "Иң яхшы иминиятләүче" Бөтенроссия бәйгесенә 2014 ел йомгаклары буенча нәтиҗә ясады. Мәҗбүри пенсия иминияте буенча оештырылучы әлеге бәйгедә Зәй оешма-предприятиеләре дә бар. 100 кешегә кадәр хезмәткәрләре булган оешмалар арасында - "Андыз" ҖЧШ даруханәләр челтәре, ә 500дән артык хезмәткәре булган предприятиеләр арасында ГРЭС оешмасы җиңүчеләр...

Россия Пенсия фонды ел саен үткәрелүче "Иң яхшы иминиятләүче" Бөтенроссия бәйгесенә 2014 ел йомгаклары буенча нәтиҗә ясады. Мәҗбүри пенсия иминияте буенча оештырылучы әлеге бәйгедә Зәй оешма-предприятиеләре дә бар. 100 кешегә кадәр хезмәткәрләре булган оешмалар арасында - "Андыз" ҖЧШ даруханәләр челтәре, ә 500дән артык хезмәткәре булган предприятиеләр арасында ГРЭС оешмасы җиңүчеләр дип табылды.

- Әгәр дә иминиятләүче тиешле иминият түләүләрен пенсия фондына үз вакытында күчереп барса, бу әлеге оешмада эшләүчеләрнең киләчәктә пенсияләр белән тотрыклы тәэмин ителеше турында сөйли. Ә ул оешманың аягында нык басып торучы, конкурентлыкка сәләтле хезмәткәрләре киләчәге турында кайгыртучы ышанычлы хезмәт урыны булуын искәртә. Сезнең районыбыздагы башка күп оешмаларга үрнәк булып, дәүләт алдындагы бурычларны менә шулай төгәл үтәп, нәтиҗәле эшләвегезне телибез, -диде район Пенсия фонды идарәсе башлыгы Ринат Рәхмәтуллин "Андыз" даруханәләр челтәре җитәкчесе Ләлә Әгъләмовага "Иң яхшы иминиятләүче" дипломын тапшырып.

Конкурста автомат рәвештә, барлык эш бирүчеләр дә катнашты, дип ассызыклый, идарә башлыгы урынбасары Лилия Камалюкова. Алар арасыннан махсус комиссия Россия Пенсия фондына иминият взносларын даими төстә үз вакытында күчереп баручы, документларда ялгышлык ясамаучы, барлык хезмәткәрләрен дә мәҗбүри пенсия иминияте системасында теркәүче, иминиятләнгән затлардан РФ пенсия законнарын бозу турында шикаять кермәгән шәхси эшмәкәрләрне һәм оешмаларны гына сайлап алды. Моңа өстәп, оешма хезмәткәрләренең уртача хезмәт хакы Россиядә билгеләнгән яшәү минимумыннан зуррак булырга тиеш, софинанслау программасында катнашу да җиңүче исемен алу өчен плюс булып тора. Быелгы җиңүче Зәй оешмалары менә шушы таләпләрне үз вакытыннан хәтта алдарак үтәп баруы белән дә өстенлек алган.

Следите за самым важным и интересным в Telegram-канале Татмедиа


Нравится
Поделиться:
Реклама
Комментарии (0)
Осталось символов: