Зәй офыклары

Алданма!

Район, шәһәр халкы арасында мошенниклар тарафыннан алдану очраклары булу сәбәпле, Россия Эчке эшләр министрлыгының Зәй бүлеге башлыгы боерыгы белән район территориясендә «Сак бул, мошенник!» дип аталган акция игълан ителде. Аның кысаларында полиция хезмәткәрләре халык арасында аңлату эшләре алып бара, искәрмәләр тарата. Мошенниклар турында даими кисәтү эше барса да, алар кармагына...

Район, шәһәр халкы арасында мошенниклар тарафыннан алдану очраклары булу сәбәпле, Россия Эчке эшләр министрлыгының Зәй бүлеге башлыгы боерыгы белән район территориясендә «Сак бул, мошенник!» дип аталган акция игълан ителде. Аның кысаларында полиция хезмәткәрләре халык арасында аңлату эшләре алып бара, искәрмәләр тарата.

Мошенниклар турында даими кисәтү эше барса да, алар кармагына эләгүче өлкән, тиз ышанучан кешеләр һаман очрый. 17 сентябрьдә шәһәрдә шундый бер очрак теркәлде. Иртәнге сәгать 9лар тирәсендә ялгыз яшәүче өлкән яшьтәге хатын-кызның домофонына шалтыратып, үзен социаль хезмәткәр дип атап, фатирына билгесез бер ханым үтеп керә. Өлкән кеше "Шатлык" социаль хезмәтләр күрсәтү үзәгендә патронажда булу сәбәпле, ниндидер начар гамәл турында башына да китерми. Кыска буйлы, кара чәчле, 35-45 яшьләр чамасындагы бу ханымны өлкән кешенең элек күргәне булмаса да, ачык итеп сөйләшүе белән ул аны үзенә җәлеп итә. Сүз арасында билгесез ханым әбинең саклык кенәгәсе турында сорый. Эчкерсез өлкән кеше аңа акчаларын саклык кенәгәсендә түгел, ә өйдә саклавын әйтә. Ханым исә акчаларны өйдә саклау ышанычсыз, әйдә, банкка салабыз, дип әбине күндереп, 60 мең сум акчасын алып чыгып китә. Үлемтеккә дип җыйган акчаларын бер билгесез кешегә биреп чыгаруын соңыннан аңлап алган апа аның артыннан подъездга чыгып карый, әмма инде ханымнан "җилләр искән" була. Бу турыда ул шунда ук күршесенә кереп сөйли һәм алар бергәләп полиция хезмәткәрләрен чакырта. Хәзер җинаятьчене эзләү эше бара.

Полиция хезмәткәрләре белән сөйләшкәндә бу өлкән кеше мошенниклар турында социаль хезмәткәрләр, участок инспекторы тарафыннан да кат-кат кисәтелүен әйтә, тик бу хәлне үзе белән булыр дип уйламый. Подъездга эленгән "Үз-үзеңне алдатма!" дигән кисәтүнең мәгънәсенә әле яңа төшендем, ди ул. Чөнки 60 мең сум акча - пенсияне кысып, нәрсәнедер киюдән яки ашаудан чикләп җыелган сумма.

Моңа охшаш социаль мошенниклык гамәлләре кабатланып тора, алга таба җиңел юл белән акча юнәтү кәсебенә керешкән "шома телләрдән" һәркемне сак булырга өндибез.

Нравится
Поделиться:
Реклама
Реклама
Комментарии (0)
Осталось символов: