“Кешедә бар нәрсә дә гүзәл булырга тиеш: йөзе дә, киеме дә, уйлары һәм күңеле дә”, - дип яза Антон Павлович Чехов. Кемгәдер дөрес бәя бирү өчен, аның белән аралашу гына җитми, ә эш-гамәлләрен күзәтү дә кирәк, минемчә. Юкка гына агач – яфрагы, кеше хезмәте белән матур, димиләр. Бер булганнан бар да була: аш-суга осталык, гөлләр үстерү, тегү, бәйләү, чигү, җыр-моң ярату... Саный китсәң, шактыйга җыела.
