Зәйдә юл һаләкәтенә сәбәпче булган машина йөртүченең нинди хәлдә булуы тикшерелә (фотолар)

Кичә Зәйнең Тавлин һәм Нариманов урамнары чатында бер кешенең тән җәрәхәте алу белән бәйле авария теркәлде. 17 сәгать 20 минутта "Лада-Грант" автомобиле йөртүчесе алдагы машина белән дөрес дистанцияне сакламау сәбәпле, башта "Калина" автомобилен сыдырып үтә, аннан соң "ВАЗ-2109" автомобиленә арттан килеп бәрелә. Нәтиҗәдә соңгы машинадагы пассажир хатын-кыз тән җәрәхәте алып дәваханәгә озатыла. Хәзерге вакытта авария буенча тикшерү эше бара. "Лада-Гранта" машинасын йөртүченең руль артына алкоголь кулланган хәлдә утырганмы, юкмы икәнлеге тикшерелә.