“Азаль” иҗатын күрсәтте

Зәйнең "Энергетик" Мәдәният сараенда Татарстанның атказанган мәдәният хезмәткәре Әлфия Вәлиуллина җитәкчелегендәге "Азаль" балалар-хореография ансамбле хисап концерты үтте. Балалар иҗат сезоны дәвамында өйрәнгән җырларын, биюләрен әти-әниләргә, тамашачыларга тәкъдим итте. Биредә күрсәтелгән яңа номерлар белән алар 5-6 мартта Түбән Камада узачак "Созвездие-Йолдызлык" телевизион фестивале төбәк турында катнашырга җыена. Җырларның берсе Бөек Җиңүгә 70 ел тулуга багышланган, ул башкару осталыгы белән дә, тирән мәгънәсе белән дә тамашачыларга тәэсир итте.