Мәдәни чараларда – Бөек Җиңү (фотолар)

Зәй район-шәһәр мәдәният йортларында кызыксыну буенча клубларда Бөек Җиңүнең 70 еллыгына багышлап төрле чаралар үтә. Андый чаралар сугыш ветераннары, тол хатыннар, тыл хезмәтчәннәре, сугыш чоры балалары катнашында Кадер, Әхмәт, Бура-Киртә, Түбән Биш, Куш-Елга, Дүрт-Мунча, Аксар, Шепкә, Имәнлебаш, Югары һәм Урта Баграж, Мәлем, Сармашбаш авылларында узды. Алар башка мәдәният йортларында да оештырылачак. Шунысы игътибарга лаек, чараларда тыл ветераннары актив катнаша, хәтер-хатирәләрен барлап, аларны яшь буынга җиткерә.