Зәй офыклары

Сандугачлыларның - һәрберсе солист

Районда фольклор коллективлар артуга бара. Сарсаз-Баграж мәдәният йорты каршында сәнгать җитәкчесе Петр Утяганов көзен кечкенәләр һәм урта яшьтәге малай-кызлардан "Сандугач" керәшен фольклор коллективы оештырды. Ансамбльгә дистәдән артык укучы бик теләп, яратып йөри. Алар - Мария Абдулова, Юлия Мартемьянова, Кристина Утяганова, Ильмир Романов, Марсель Халиков, Нәфис Нурхәметов, Надежда Минеева, Диана Карабашева,...

Районда фольклор коллективлар артуга бара. Сарсаз-Баграж мәдәният йорты каршында сәнгать җитәкчесе Петр Утяганов көзен кечкенәләр һәм урта яшьтәге малай-кызлардан "Сандугач" керәшен фольклор коллективы оештырды. Ансамбльгә дистәдән артык укучы бик теләп, яратып йөри. Алар - Мария Абдулова, Юлия Мартемьянова, Кристина Утяганова, Ильмир Романов, Марсель Халиков, Нәфис Нурхәметов, Надежда Минеева, Диана Карабашева, Анастасия Чернова, Алексей Краснов һ.б.лар. Коллективның ике төркеме дә музыка мәктәбе үткәргән "Алтын башак" балалар фестивалендә катнашып, уңышлы чыгыш ясады. Кечкенәләр - I, урта яштәгеләр III дәрәҗә дипломга лаек булды. Сарсаз-Багражда, шул рәвешле, балаларда кечкенәдән керәшен йола-гадәтләре, мәдәниятенә хөрмәт тәрбияләнә. Коллектив өчен костюмнар да булдырылган, ансамбль булдыру, аны киемле итүдә ата-аналар да җан ата. Мондый бергәлек ансамбль әгъзаларын канатландыра гына. Көзен генә оешкан коллектив, димәссең. Сандугачлылар "Туым жондозы" төбәк фестивалендә "Баграж" һәм "Безнең авыл" җыруларын сузуга, залдагылар тынып калды. Петр Утяганов үзе баянда уйный, аның ихлас уйнавы, елмаюлы карашы кемне генә әсир итми икән?! Коллектив керәшен җыруларын бөтен аһәңе белән бирә алды. Жюри исә таң калды.

-Сандугачлыларның һәрберсенең сандугач-солист булырлыгы бар, аларга сокланып утырдык. Зәйдә әлеге җәһәттән үсеш бар. Гомумән, бу фестиваль керәшен җырларын барлап, аларны нәкъ борынгыча, аһәңле итеп башкару, халык хәтеренә кайтарудан гыйбарәт, - ди жюри рәисе, фольклорчы, сәнгать белгече, Казан дәүләт консерваториясенең этномузыка кафедрасы доценты Геннадий Макаров.

Төбәк турында катнашкан республика керәшеннәр җәмгыяте башкарма комитеты җитәкчесе, "Туганайлар" газетасы редакторы Людмила Белоусова да коллективка, аларга киемнәр тектерүгә игътибар булуына соклануын яшерә алмады, аларга уңышлар теләде. "Баграж буйлары" фольклор ансамбленә алмаш үсә, буыннар чылбыры өзелмәячәк, рухи мирас яшь буынга тапшырылачак, диде жюри әгъзалары. Коллектив күптән түгел Казанда узган "Туым жондозы - 2016" фестивалендә катнашып, дәрәҗә дипломга лаек булып кайтты. Әлеге ансамбль солисты Юлия Мартемьянова исә "Халык вокалы" номинациясендә III дәрәҗә дипломга лаек булды.

Следите за самым важным и интересным в Telegram-канале Татмедиа


Нравится
Поделиться:
Реклама
Реклама
Комментарии (0)
Осталось символов: