Баланы һәрьяклап үстерим дисәң...

Башкарма комитет җитәкчесенең 2777нче (24.12.2012) карары белән 2013 елның 1 гыйнварыннан баланы өстәмә белем бирү учреждениеләрендә шөгыльләндергән өчен ата-аналардан түләү алу күләмнәре расланды. Карарда күп балалы, аз тәэмин ителгән гаилә балаларын социаль яклау максатыннан ташламалар да карала. Мәсәлән, инвалид баланың әти-әнисе, ятим калганда, аның законлы тәрбиячесе түләүләрдән азат ителә, ә күп балалы, аз тәэмин ителгән гаиләләргә 50 процент ташлама ясала. Бер гаиләдән 2 бала өстәмә шөгыльләнгәндә, беренчесе өчен - тулысынча, икенчесе өчен яртылаш кына түләү алу карала. Бала бер үк учреждениенең берьюлы берничә бүлегендә өстәмә белем алганда, әти-әниләр берсе өчен (югарырак бәялесе) - тулысынча, калганнары өчен 50 процент кына түли. Шунысын да әйтик, учреждениенең педагогик советы карары белән авыр хәлдә калган гаиләләрне 1-6 айга түләүдән азат итеп тору рөхсәт ителә.

Өстәмә белем бирү төрләре (бәя 1 укучыга, сумнарда)

1. Балалар-яшүсмерләр спорт мәктәпләре:

- фигуралы шуу 500

- хоккей 250

- көнчыгыш көрәше 100

2. Музыка, сәнгать мәктәпләре:

- сәнгать бүлеге 200

- фортепиано, баян, гитара, аккордеон, хор белән җырлау 285

- скрипка, виолончель 215

- думбра, балалайка, тынлы инструментлар 145

- хореография бүлеге 200

- иртә үсеш бүлеге 440

- эшчәнлекнең башка төрләре 50

3. Балалар иҗат йорты:

- интеллектлар 200

- компьютер технологияләре 200

- фотостудия 200

- бию студиясе 200 50

- иртә үсеш мәктәбе 350

- сынлы сәнгать студиясе 200

- "Гитарист" берләшмәсе 200

- вокал студиясе 100 50

- телләрне үстерү 300

- фәннәрнең кече академиясе 100

- "Осталар шәһәре" студиясе (кичке) 150

- башка шөгыльләр 50 50

- хәрби-патриотик һәм туган якны өйрәнү юнәлешендәге берләшмәләр