Зәй офыклары

Зәйлеләр Мамадышта Питрау бәйрәменә үзенчәлек өстәде

Узган шимбәдә Мамадышта Питрау бәйрәме узды. Анда, гадәттәгечә. Зәйлеләр дә катнашып, аңа үзенчәлек өстәде.

Зәй районы Питрауга  керәшен ихатасын, аларның  көнкүрешен чагылдырган мәйданчык оештырып катнашты. Әлеге мәйданчыкта район мәдәният йорты, Сарсаз Баграж һәм Түбән Биш мәдәният йортлары хезмәткәрләре, “Җиләк” керәшен фольклор коллективы кунакларны җыр-бию белән каршы алып, алар күңелен күрде. Сарсаз Баграждан  Ангелина Кузьмина этник мәдәниятне саклаучы яшьләр «Керәшен чибәре» бәйгесендә катнашып, халык җырлары, биюләрен башкаруда үз осталыгын күрсәтеп, үз халкының гореф-гадәтләре һәм тарихы белән уртаклашты.

-Безнең мәйданчыкны кунаклар аеруча үз итте, район  халкының кунакчыллыгына шаккатты, кабат-кабат керүчеләр шактый булды, зәйлеләр Мамадышта Питрау бәйрәменә үзенчәлек өстәде,- ди район мәдәният йорты директоры Гүзәлия Гатина.  

Билгеле булганча, Зәй районы республика күләм Питрауда ел да диярлек катнашып килә. Кунаклар Зәебез иҗат коллективлары чыгышын, бил алышучы егетләребезне алкышлап карады. Яшүсмерләрдән үз авырлыгында  Түбән Биштән Җәмил Ибраһимов, өлкәннәрдән Чыбыклыдан Булат Гадершин чемпион калды. Сармашбаш егете Радик Сәлахов исә абсалют батыр булды.

Фото район мәдәният йорты архивыннан.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Реклама
Комментарии (0)
Осталось символов: