Ут – кешенең дусты да һәм дошманы да. Кешеләрне, аеруча балаларны, янгыннардан саклау – җитди һәм кискен мәсьәлә. Кызганыч, кайбер очракларда балалар үзләре янгыч чыгаручы да, чыгарган янгыннарының корбаны да булырга мөмкин. Алар кулындагы ут-шырпы башка кешеләрнең дә үлеменә китерәчәк фаҗига тудыра ала. Шунлыктан, гадәттән тыш хәлләр вакытында үзеңне ничек тотарга кирәклеге кагыйдәләрен, үз гомереңне саклап калу алымнарын балаларга кечкенә чакларыннан ук өйрәтергә кирәк. Ата-аналарның бурычы бу. Балалар янгыннарның ни сәбәптән чыгуын белсен, утны сүндерүнең гап-гади ысулларын өйрәнсен.
