Тема дня

Соңгы кыңгырау... Мәктәпне тәмамлаган шушы көннең кабатланмас хатирәләрен, дулкынландыргыч мизгелләрен кайсыбыз гына кадерләп йөрәк төпкелендә йөртми икән дә, кайсыбыз гына җитәкләп белем дөньясына алып кергән беренче укытучыларын, кыңгыраулы мәктәп елларын сагынып искә алмый икән?!

ТР авыл хуҗалыгы министры Марат Әхмәтов республика районнарында кыр эшләре барышы белән танышуын дәвам итә. Бүген ул Зәй районы басу-кырларын күзәтте.

Сезне чын күңелдән Бөек Ватан сугышында Җиңүнең 73 еллыгы белән котлыйм.

Бөек Ватан сугышында Җиңүгә 73 ел вакыт үтте. Зәйлеләр тарих битләренә дәһшәтлелеге белән кереп калган аяусыз сугыштагы Җиңү көнен, илебезнең һәр төбәгендәге кебек, зур әзерлек белән, күңелләрдән ташыган горурлык хисе белән каршы алдылар. Фашист илбасарларына каршы көрәшкә районыбыздан 11600 кеше китә, шуның 7410сы туган якларга әйләнеп кайтмый. Җиңү сүзе менә шушы ил иминлеге өчен корбан булганнарны да, тылда авыр хезмәт куйганнарны да, һәр метр җирне илбасарлардан азат итү шатлыгын да үзенә сыйдырган кадерле төшенчә ул. Аяусыз сугыш тәмамлануга 73 ел вакыт үтсә дә, бу көн буыннан-буынга күчеп хәтерләрдә саклана. Кызганыч, районыбызда ул елларның шаһите булган мөхтәрәм затларыбыз сафы һаман саен сирәгәя бара. Бүгенге көндә районда бары 24 сугыш ветераны, 3 лагерь тоткыны гына исән.

Зәй районында язгы кыр эшләре тулы куәттә бара. Әлеге мөһим кампания район башлыгы Разиф Кәримовның ныклы контролендә.

Зәй туган як тарихын өйрәнү музее хезмәткәрләре “Бердәм Россия” сәяси партиясенең «Тарихи хәтер» шигаре астында татар гимназиясе укучыларына «Каһарманнар үлмиләр, каһарманнар безнең хәтердә яши” дип исемләнгән җәяүле сәяхәт оештырды.

Бөек Җиңүнең 73 еллыгын билгеләргә санаулы көннәр генә калды. Шул ук вакытта бәйрәм чаралары башланды дисәк тә ярый. Шундый чараларның берсе- ветераннарга бүләк тапшыру. Бу көннәрдә ветераннар бәйрәм уңаеннан Татарстан Президенты Рөстәм Миңнеханов һәм район башлыгы Разиф Кәримов бүләкләрен ала башлады. Районда барлыгы 194 кешегә Президент бүләге кайтты. Алар сугыш ветераннарына, концлагерьда булучыларга, сугышта катнашучыларның тол хатыннарына тапшырыла.

Бөек Җиңү көне бездән ерагайган саен, аның кыйммәте тагын да арта бара. 9 Май - ул өлкән буынның кан-күз яшьләре, ачлык-ялангачлык аша табылган, үтә кыйммәткә төшкән Җиңү көне. Бу сагышлы бәйрәм, яшь аралаш сөенә торган көн. Кызганыч, ветераннар саны көннән-көн сирәгәя. Исән калганнарының кадерен белсәк иде. Бүгенге бәхетле тыныч тормышта яшәвебез белән без бары аларга бурычлы. Без, бүгенге буын, Бөек Җиңү көнен якынайткан ватандашларыбызны һичкайчан онытмаска, һәлак булганнарны данга күмәргә, исәннәр турында һәрчак кайгыртырга тиеш.

Җирле үзидарә органнары – кешеләргә иң якын хакимият.

Кичә “Нива” ширкәтенең Поповка авылына бара торган юл кырындагы басуга элиталы “Рушан” сортлы арпа чәчү эше башланды.

Автомобиль йөртүчеләргә таныклык алмаштырганда кабат имтихан бирдерү турында сүз чыккан иде.

12 апрель - Бөтендөнья авиация һәм космонавтика көне

Россия Федерациясе эчке эшләр органнарының тикшерүчеләре әлеге структура оешуның 55 еллык юбилеен билгеләп үтәләр. Тарихка күз салсак, 1963 елның 6 апрелендә СССР Югары Советы Указы белән җинаятьләрне алдан тикшерү хокукы, прокуратура һәм дәүләт иминлеге хезмәте белән беррәттән, Эчке эшләр министрлыгына бирелә.

Шәһәр-районда сәламәтлек саклау объектларын төзекләндерү буенча максатчан эш алып барыла. Республика программасы нигезендә быел бездә поликлиникаларны ремонтлау буенча зур күләмле эшләр көтелә. Аңа әзерлек башланды инде. Шул сәбәпле, үзәк дәваханә поликлиникасында авыруларны кабул итүче кайбер табиблар һәм хезмәтләр вакытлыча башка урыннарга күчерелә. Әлеге уңайдан без үзәк дәваханәнең баш табибы Рим Әмировка берничә сорау белән мөрәҗәгать иттек.

Кичә Россия Эчке эшләр министрлыгының кизү тору частьләре оешуның 100 еллыгы билгеләп үтелде.