Зәй офыклары

Зәй шәһәре

Яңалыклар

Ал.Бистәсеннән Сомовлар программаларда актив катнаша

Александр Бистәсе җирлегендә мәшгульлек проблемасы юк: ул Зәй һәм Әлмәт шәһәрләренә якын урнашканлыктан, биредә күпчелек халык әлеге шәһәрләргә йөреп хезмәт куя. Иң күп эшмәкәрләр әлеге биләмәдә исәпләнә.

Бүгенге көндә биредә 18 шәхси эшмәкәр бар, шуларның 11е - крестьян-фермер хуҗалыгы. Алар игенчелек, терлекчелек, кортчылык һәм башка кәсепчелек белән шөгыльләнүче Александр Носов, Елена Носова, Владимир Ионов, Виктор Сироткин, Сергей Есарев, Николай Марков, Василий Рафаилов һәм башкалар. Җирлекнең 192 шәхси хуҗалыгында 125 баш мөгезле эре терлек асрала, шуның 56сы - савым сыер.
Терлекчелек юнәлешендә эшчәнлек алып баручы Анд-рей һәм Лариса Сомовлар хуҗалыгы аерым игътибарга лаек. Алар бергә дистә елдан артык гомер итә. Андрей тракторчы-механизатор, Лариса исә башкарма комитет җитәкчесе урынбасары. Гаиләдә ике бала үсә, алар икесе дә башлангыч сыйныфларда укый. Моннан берничә ел элек гаилә терлекчелек юнәлешендә дәүләт ярдәме алган булган һәм әлеге булышлык эшчәнлекләрен җәелдерергә этәргеч биргән.
- Мин үз мисалымда авылдашларга гамәлдә булган төрле программалар турында сөйлим. Хуҗалыгыбызда беренче сыер моннан алты ел элек булдырылды һәм ул

  •  

тора-бара өчкә әйләнде. Шул рәвешле без кече-ферма республика программасына кердек һәм терлекчелек юнәлешендә эшчәнлекне җәелдерә башладык. Бүгенге көндә биш савым сыерыбыз һәм өч бозавыбыз бар. Моннан тыш, без авылда яшәүче яшь гаиләләр программасына кереп йорт салдык, - ди Лариса.
Көн саен сыерлары 12шәр литр сөт бирә. Хуҗабикә май, каймак, эремчек ясый. Авыл халкы Сомовларның сөт продуктларын яратып ала.
-Сату баргач, күңел дә үсә, эшчәнлегебезне алга таба да җәелдерергә исәп, - ди гаилә башлыгы.
Разиф Кәримов әлеге гаиләдә булгач, һәр хуҗалыкта шундый тәртип, чисталык булсын, дип ассызыклады.
-Чабыгыз, сөрегез, районда кулланылмый яткан җирләр шактый. Бәхетле яшәгез, хуҗалыгыгызда менә шулай тәртип булдырыгыз, - диде ул.

 

Следите за самым важным и интересным в Telegram-каналеТатмедиа

Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев