Зәй офыклары

Чын акча белән сувенир акчаларны бутамагыз!

Узган атнада шәһәр кибетләрендә сувенир формасында чыгарылган акчалар белән түләп, кибеттән азык-төлек алу очраклары теркәлгән. - Бу турыдагы хәбәрне полиция бүлегенә әлеге сәүдә үзәкләреннән шалтыратып җиткерделәр. Оператив тикшерү эшләре барышында ике очракта да берәр мең сумлык ясалма акчалар белән товар алынуы, ялган акча белән түләүчеләрнең 55-60 яшьләр тирәсендәге хатын-кызлар булуы...

Узган атнада шәһәр кибетләрендә сувенир формасында чыгарылган акчалар белән түләп, кибеттән азык-төлек алу очраклары теркәлгән.

- Бу турыдагы хәбәрне полиция бүлегенә әлеге сәүдә үзәкләреннән шалтыратып җиткерделәр. Оператив тикшерү эшләре барышында ике очракта да берәр мең сумлык ясалма акчалар белән товар алынуы, ялган акча белән түләүчеләрнең 55-60 яшьләр тирәсендәге хатын-кызлар булуы ачыкланды. Сатучылар өлкән яшьтәге ханымнарның мондый эшкә баруларын күзалламаган, икегә бөкләп бирелгән кәгазь акчаларны игътибар белән карап тормыйча, купюраларны махсус аппарат аша үткәрмичә алган. Шулай да без бер кибеттәге видеоязма аша аларның берсен ачыкладык, әмма ул гаебен танымый. Өлкән яшьтәге ханым мондый гамәлне белеп эшләмәдем, кемдер миңа шундый акча биргән, ә мин аның ялган булуын белмәдем, дип аңлатма бирә. Ә инде хатын-кызларның тышкы кыяфәтенә килгәндә, аларның берсе язгы-көзге шәмәхә төстәге куртка, кара беретка, күзлек кигән була, икенчесе көрән кофта, караңгы төстәге юбкадан, - ди тикшерү бүлекчәсе башлыгы урынбасары Рөстәм Хафизов.

Әлеге очраклар сатучылардан, сәүдә нокталары җитәкчеләреннән купюраларны кабул итеп алганда аеруча игътибарлы булу кирәклеген искәртә. Ә инде ялган акча белән кибеттән әйбер алырга омтылу РФ Җинаять кодексының 159нче маддәсе буенча мошенниклык гамәле булып санала. Бу гамәл ике елга кадәр иректән мәхрүм ителү белән янарга мөмкин. Шуңа күрә гражданнар таныш булмаган кешеләр акча вакларга сораганда яки акча белән бәйле башка эшләр башкарганда игътибарлы булсыннар иде, дип кисәтә полиция хезмәткәрләре.

Следите за самым важным и интересным в Telegram-канале Татмедиа


Нравится
Поделиться:
Реклама
Комментарии (0)
Осталось символов: