Зәй офыклары

Кошларга җим

Урамда карлы, салкын кыш. Бу вакытта салкын җилләрне җиңеп, нәни канатларын җилпеп азык эзләүче кошларга бик кыен. Кыска көннәрдә азык табып, тамакларын туйдырырга да өлгермиләр, инде кич килеп җитә. Шуңа күрә кышын кошлар кеше янына елыша, агач ботагына кунып чыркылдашып, адәм балаларының игелекле гамәлләренә, мәрхәмәтенә өметләнәләр.Чөнки кошларга салкыннар түгел, ә ачлык күбрәк куркыныч тудыра.

Без - «Алтынчәч» балалар бакчасы тәрбиячеләре балалар белән урамга чыккач табигатьне, кошларны күзәтәбез,  балаларга кышлаучы кошлар, аларның нәрсәләр белән тукланулары турында сөйлибез. Балаларга кошларның кешеләр янына очып килүләре, агачларда калган миләшләрне ашаулары, кешеләрдән калган азык-төлек калдыкларын чүпләүләре турында, кыш көне кошларның безнең ярдәмгә мохтаж икәнлекләрен аңлатабыз. Без - тәрбиячеләр һәм бакчада тәрбияләнүче балалар, әти-әниләр ярдәме белән   кошларга көчебездән килгәнчә ярдәм итәргә булдык - алар өчен җимлекләр ясадык. Җимлекләрне бакчабыз  тирәсендә үсеп утырган агачларга элдек.   Балалар тәрбияче апалары белән берлектә һәр көн  саен аларга  җимнәр сибәләр: ипи, ярма бөртекләре салабыз, жимлекләрне чистартабыз. Кошчыкларның җим чүпләгәннәрен  сокланып күзәтәбез. Балалар кышлаучы кошларны таный беләләр, аларның исемнәрен атыйлар. Кошларга ярдәм итә алуыбыз өчен  без бик сөенәбез.

 

Нравится
Поделиться:
Реклама
Реклама
Комментарии (0)
Осталось символов: