Зәй офыклары

Зәй шәһәре

Яңалыклар

Республикада табигатьне саклау буенча акция башланды

Акция «Татарстанның чиста урманнары» дип атала.

Бүген - 19 апрельдә республикада «Татарстанның чиста урманнары» табигатьне саклау акциясе старт ала. Быел ул 2 этапта узачак: 19 апрельдән 19 июньгә кадәр һәм 13 сентябрьдән 13 ноябрьгә кадәр.

Акциянең язгы этабы кысаларында республика урманнарын каты коммуналь калдыклардан, коры-сарыдан һәм ауган агачлардан чистарту, шулай ук аншлагларны, информацион щитларны һәм урманда ял итү урыннарын ремонтлау һәм төзекләндерү планлаштырыла.

«Татарстанның чиста урманнары» республика табигатьне саклау акциясе ТР Урман хуҗалыгы министрлыгы тарафыннан 2010 елдан бирле үткәрелә. Аның төп максаты - урманнарда уңай санитар-экологик хәл булдыру. Акция Татарстанның барлык муниципаль районнарында уза. ТР Урман хуҗалыгы министрлыгы карамагындагы учреждениеләр белгечләре белән беррәттән акциядә даими катнашучылар арасында министрлыклар, ведомстволар, учреждениеләр, оешмалар, предприятиеләр хезмәткәрләре, урман кишәрлекләрен арендалаучылар, бакчачылык ширкәтләре, кооперативлар, экология берләшмәләре вәкилләре, югары һәм урта махсус уку йортлары студентлары, волонтерлар бар.

2019 елда «Татарстанның чиста урманнары» республика табигатьне саклау акциясе кысаларында торак пунктлар тирәсендәге участокларны, автомобиль юллары һәм федераль һәм региональ әһәмияттәге трассалар буйларын чистарту буенча масштаблы чаралар оештырылды. Акциягә 14 меңгә якын кеше кушылды. Акция нәтиҗәләре буенча урман фондыннан 3840 куб. м күләмендә каты коммуналь калдыклар, коры-сары һәм ауган агачлар җыеп чыгарылды. Узган ел яңа коронавирус инфекциясе COVID-19 таралуга бәйле катлаулы эпидемиологик вәзгыятькә бәйле рәвештә, акция үткәрелмәде.

Следите за самым важным и интересным в Telegram-каналеТатмедиа

Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев