Зәй офыклары

Зәй шәһәре

Яңалыклар

Татарстан дәүләт хезмәтләре порталында газ белән тәэмин итү буенча хезмәт өчен түләү сервисы эшли башлады

Татарстан Финанслар министрлыгы командасы дәүләт хезмәтләре күрсәтүнең республика порталында яңа сервис эшләтеп җибәрде.

Хәзер республикада яшәүчеләрнең газ белән тәэмин итү буенча берничә минут эчендә бер тапкыр (ремонт) эшләрен түләү мөмкинлеге барлыкка килде. Сервиска сылтама – https://uslugi.tatarstan.ru/gas.

Бер тапкыр эшләрне лицевой счет буенча да, штрих-код буенча да түләргә мөмкин. Беренче вариантны сайлаганда халыкка 8 санны шәхси счет һәм абонент пункты күрсәтергә кирәк булачак; икенче вариантны сайлаганда – квитанция-хәбәрнамәдә күрсәтелгән штрих-кодны (28 сан бушлыкларсыз) кертергә кирәк булачак.

Шуннан соң ике очракта да сумманы күрсәтергә, кулланучы турында мәгълүматларны тикшерергә һәм банк картасы реквизитларын кертергә кирәк. Түләүне МИР, VISA, MasterCard, Maestro карталары белән башкарырга яки порталда теләсә нинди хезмәт өчен түләргә мөмкин булган дәүләт хезмәтләренең виртуаль картасын рәсмиләштерергә мөмкин.

Соңыннан түләү турында квитанция формалаштырылачак.

Бүген Татарстан дәүләт хезмәтләре порталында 307 төрле сервис һәм хезмәт күрсәтелә. 2020 ел нәтиҗәләре буенча гына да порталда 290 миллионнан артык электрон хезмәт һәм 250 миллион электрон мөрәҗәгать күрсәтелгән. Минут саен порталда 448ләп электрон хезмәт күрсәтелә.

Следите за самым важным и интересным в Telegram-каналеТатмедиа

Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев