Зәй офыклары

Татарстан Россиянең иң күп укый торган төбәкләре исемлегенә керде

«Иң күп укучы регион» бөтенроссия конкурсында җиңүчеләрне бүләкләү тантанасы бүген Россия китап берлегенең YouTube-каналында узачак.

Татарстан «Иң күп укучы төбәк» бөтенроссия конкурсы нәтиҗәләре буенча «Россиянең әдәби флагманы» исеменә өч лауреатның берсе булды һәм бу күрсәткеч буенча федерация субъектлары арасында иң яхшылар рәтенә керде. Бу турыда Татарстан мәдәният министрлыгының матбугат хезмәте хәбәр итә.

Бүген - 25 ноябрьдә 14 сәгатьтә Россия китап берлегенең YouTube-каналында туры эфирда «Иң күп укучы төбәк» бөтенроссия конкурсында җиңүчеләрне бүләкләү тантанасы була.

Бөтенроссия конкурсы Россия китап берлеге тарафыннан матбугат һәм массакүләм коммуникацияләр федераль агентлыгы ярдәме белән үткәрелә. Конкурс шартлары буенча катнашучы төбәкләр 2019-2020 елларда иң мөһим әдәби проектны тәкъдим итәргә тиешләр иде.

Татарстан «Яраткан китабымның авторына хат» республика балалар китапханәсе проектын тәкъдим итте.

Трансляциягә барлык теләүчеләр дә кушыла ала.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: