Зәй офыклары

Зәй шәһәре

Яңалыклар

Татарстан укучылары эшкуарлык һәм финанс мәсьәләләре белән актив кызыксыналар

Россиянең барлык төбәкләреннән 800 меңнән артык мәктәп укучысы “Яшь эшкуар һәм финанс грамоталылыгы" онлайн-олимпиадасының сынау һәм төп турларында катнашты. Алар арасында Татарстан Республикасыннан 85 меңгә якын укучы бар.

I-IX сыйныф укучылары өчен ярыш быелның 13 апреленнән 17 маена кадәр барды. Укучылар реаль тормыш ситуацияләрен һәм бизнес-кейсларны модельләштерүче бурычларны хәл иттеләр, шулай ук сыйфатлы финанс продуктлары һәм инструментларын чагыштыру һәм сайлап алу белән шөгыльләнделәр.

Яшь эшкуарларга гаилә бюджетының маддәләрен билгеләү һәм мошенниклар белән бәрелешкәндә үз-үзеңне дөрес  тоту стратегиясен сайлау белән бәйле биремнәр җиңелрәк бирелде, аларны 90 проценттан артык кеше хәл итте. Шәхси блог алып барганда хезмәттәшлекнең иң отышлы моделен формалаштыру мәсьәләләрен хәл итү кыенрак булды, - моны мәктәп укучыларының 10-20 проценты башкарып чыкты. Хезмәт күрсәткән әйберләрне кабат куллану темасы укучыларның 70 процентында кыенлыклар тудырды.

"Балалар яңа белемнәргә ачык булуларын, финанс яктан белемле булуларын, рациональ һәм практик фикер йөртергә өйрәнергә теләүләрен күрсәттеләр. Бу аларга киләчәктә тәвәккәллек һәм үз акчаларың белән дөрес эш итә белүче уңышлы кешеләр булырга ярдәм итә ала», - дип билгеләп үтте Россия Банкының Татарстан буенча бүлеге идарәчесе Марат Шәрифуллин.

 

Следите за самым важным и интересным в Telegram-каналеТатмедиа

Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев