Зәй офыклары

Татарстанда 17 сыйныфта аерым укыталар, аларда 439 бала белем ала

Республикада карантинга тулысынча ябылган мәктәпләр юк.

Татарстанда 17 сыйныф бүленгән, аларда 439 бала укый. Бу хакта «Татар-информ» мәгълүмат агентлыгында узган матбугат конференциясендә Роспотребнадзорның ТР буенча идарәсе матбугат секретаре Миләүшә Җамалиева сөйләде.

«Бүгенге көндә бүленгән 17 сыйныф бар, аларның 15е — Казанда, берәр сыйныф - Кукмара һәм Әгерҗедә. Республикада карантинга тулысынча ябылган мәктәпләр юк», - диде спикер.

Ул Татарстанда мәктәпләрдә коронавирус таралуның 28 чыганагы күзәтү астында булуын әйтте. Шул ук вакытта соңгы тәүлектә, ОРВИ билгеләре аркасында уку йортына кергәндә иртәнге фильтр аша 75 укучы уза алмаган.

Элегрәк «Татар-информ» Татарстанның 14 югары уку йортында санитар-эпидемиологик таләпләрне бозу очрагы ачыклануын хәбәр иткән иде.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: