Зәй офыклары

Зәй шәһәре

Яңалыклар

Татарстанда мәгариф өлкәсендәге илкүләм проектларны тормышка ашыруга 628 миллион сум акча тотылачак

Республикада «Мәгариф» илкүләм проектын гамәлгә ашыру өчен федераль бюджеттан - 426, республика бюджетыннан 202 миллион сум бүленә.

Татарстанда 2021 елда мәгариф өлкәсендә илкүләм проектларны гамәлгә ашыруга 628 миллион сумнан артык акча тотылачак. Бу сумманың 202 миллион сумы республика бюджетыннан булачак, дип хәбәр итә "Татар-информ" МА.

Бүленгән акчалар  «Мәгариф» илкүләм проектының «Заманча мәктәп», «Цифрлы белем бирү мохите» һәм «Һәр баланың уңышы» проектларын тормышка ашыруга тотылачак.

Моннан тыш, Казандагы «Салават күпере» торак комплексында 1224 балага исәпләнгән мәктәп төзелеше башланачак. Татарстан Хөкүмәте Мөслим һәм Саба районнарындагы мәктәпләрдә спорт залларын да ремонтлаячак.

Илкүләм проект кысаларында, 2021 елда Татарстанның авыл мәктәпләрендә 114 «Үсеш ноктасы» үзәкләре оештыру, Казанның 98нче мәктәбе базасында «Кванториум» балалар технопаркын ачу, Казанда коррекцияле ике мәктәпнең матди-техник базасын яхшырту, шулай ук 26 белем бирү оешмасында (шул исәптән, 23 мәктәп һәм 3 урта һөнәри белем бирү оешмасы) компьютер һәм презентация җиһазларын яңарту планлаштырыла.

Татарстанда илкүләм проектлар ярдәмендә моңа кадәр 110 белем бирү оешмасы заманча укыту һәм компьютер җиһазлары белән тәэмин ителгән иде.

Мәгълүм булганча, Россиядә илкүләм проектлар РФ Президенты Владимир Путин тәкъдиме белән 2019 елдан тормышка ашырыла башлады. Илбашы әлеге проектларның максатларын 2020 елның 21 июлендә имзалаган 474нче указы белән билгеләде. Аны «май указы» дип тә атыйлар.

Следите за самым важным и интересным в Telegram-каналеТатмедиа

Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев