Зәй офыклары

Зәй шәһәре

Яңалыклар

Тимур Бекмамбетов Татарстанга «Девятаев» фильмын төшерүдә ярдәм иткән өчен рәхмәт белдерде

Казанда Россия кинолентасын күрсәтүгә багышланган матбугат конференциясе узды.

Кинорежиссер Тимур Бекмамбетов Татарстан Республикасына һәм аның вәкилләренә «Девятаев» хәрби фильмын төшерүдә ярдәм иткән өчен рәхмәт белдерде. Казанда Россия кинолентасын күрсәтүгә багышланган матбугат конференциясе узды.

«Беренче чиратта, республика минем тормыш иптәшем (Татарстан Республикасы Президенты ярдәмчесе Наталия Фишман-Бекмамбетова йөзендә - "Татар-информ" МА иск.) аша катнашты, нәкъ ул мине Александр Михайлович белән таныштырды һәм бу тарих белән мавыктыра алды", - диде Бекмамбетов.

Проектны тормышка ашыруда Казан мэры Илсур Метшин да булышты.

"Процесс озын булды, һәм ул миңа архивларда тикшерү өчен дөрес кешеләрне табарга һәм бу чараны оештыруда ярдәм итте», — дип белдерде режиссер.

Шулай ук картинада Фатыйх ролен башкарган Казан яшь тамашачы театры актеры Нияз Зиннәтуллин һәм Бекмамбетов белән бергә Милләтләр театры өчен «Хуҗа» пьесасын язган драматург Илгиз Зәйниев та ярдәм күрсәткән.

«Ул [Зәйниев] миңа фильм сценарие образлы һәм гадел булсын өчен ярдәм итте. Фильмны Казан белән бәйләүче моментлар күп һәм кешеләр татарча сөйләшә. Бу Аның казанышы», - дип билгеләп үтте режиссер.

Фильм Татарстан киносы тарихында зур вакыйга булыр дип өметләнәм", — дип нәтиҗә ясады Тимур Бекмамбетов.

Следите за самым важным и интересным в Telegram-каналеТатмедиа

Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев