Зәй офыклары

ТР Үзәк сайлау комиссиясе рәисе РФ Конституциясенә төзәтмәләр буенча тавыш бирде

Татарстаннан 2 млн 107 мең сайлаучы үз тавышларын бирде, дип яза "Татар-информ" мәгълүмат агентлыгы.

Татарстанда Конституциягә төзәтмәләр буенча сайлаучыларның 72% ы тавыш бирде. Бу хакта ТР Үзәк сайлау комиссиясе рәисе Андрей Кондратьев сөйләде.

«Татарстан Республикасында актив тавыш бирү бара. Сәгать 10га бездә 2 млн 107 мең 684 сайлаучы килде, бу барлык  сайлаучыларның 71,58 процентын тәшкил итә», — дип белдерде Кондратьев.

ТР Үзәк сайлау комиссиясе рәисе прописка урыны буенча участокка тавыш бирергә килгән. Керү юлында ул теркәү адресын атады, ә аннары аңа шәхси саклану чараларын тәкъдим иттеләр һәм температураны үлчәделәр. Шуннан соң ул, дистанцияне үтәп, киңәйтелгән рәвештә паспорт күрсәтте, бюллетень алды һәм тавыш бирү өчен кабинага юнәлде.

«Беренче тапкыр тавыш бирүчеләр өчен бу чыннан да стресс мизгеле. Хәтта минем өчен дә. Күрәсез, барлык саклык чаралары да үтәлгән. Мин мондый участокларны сирәк күрдем", - дип өстәде ул.

Аның сүзләренә караганда, бүгенге көндә тавыш бирү барышына йогынты ясый алырлык шикаятьләр яки претензияләр юк.

«Бүген бу көнлек марафон тәмамланачак, ул бик җаваплы. Эчке эшләр министрлыгы һәм көч ведомстволары хезмәткәрләренең күбесе хокук тәртибен һәм сайлаучыларның иминлеген тәэмин итә. Сүз дә юк, Роспотребнадзор, Сәламәтлек саклау министрлыгы — хәзер барысы да куркынычсызлык белән тәэмин итәргә тырыша», — дип йомгаклады ул.

Бүген Россиядә Конституциягә үзгәрешләр кертү мәсьәләсе буенча тавыш бирүнең төп этабы уза. Татарстанда 65 территориаль һәм 2,8 мең участок сайлау комиссиясе эшли. Республикада 2,9 млн кеше ихтыяр белдерү хокукына ия.

 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: