Зәй офыклары

Укучылар Федоровка мәктәбен музей итәргә тели

Узган ел көзен “Зәй офыклары” газетасында басылган “Үткәне бай мәктәп бинасын торгызыйк” мәкаләсеннән соң газетабызга язмалар килде, шалтыратулар булды.

Әлеге язма  үткәне бай  Федоровка мәктәбе, аның укытучылары, анда белем алып ил-көнгә танылган укучылар турында. Заманында әлеге мәктәп районда иң көчле, зур мәктәп иде бит. Кызганыч, бу  мәктәп хәзер юк инде: бүген шул уку йортының бер бинасы гына калды. Шулай да мәктәп биләмәсендә ел саен нинди дә булса чыгарылыш укучылары очраша. 1979 елгы чыгарылыш сыйныф укучысы Валентин Атласов әлеге исән калган бинаны яңарту уе белән яна. “һәр чыгарылыш укучыларының фотосурәтләрен анда урнаштырыйк, мәктәп директорлары, укытучылар исемнәрен мәңгеләштерик, директор  Мияссәр Гарифуллович Галиуллинга исә  мемориаль такта куйык. Шулай итеп бергәләп тулы бер музей комплексы булдырылачак. Әлеге игелекле эшебез белән укытучыларыбыз исемнәре тарих битендә калачак. Иң мөһиме, безгә җыелырга, хәтер-хатирәләрне барларга урын булачак”, дигән иде ул язмасында.

Әлеге мәктәптә күп еллар укытучы булып эшләгән Кәдек авылында яшәүче Мәрьям апа Нәбиева да әлеге язмага битараф калмады.

- Бик кирәкле һәм игелекле эш белән яна Валентин Александрович. Чыннан да, Федоровка мәктәбе тәҗрибә кыры белән республикада да мәгълүм уку йорты иде, анда белем алган укучылар илебезнең кайсы тармагында гына хезмәт куймый. Язманы укыгач, хәтер-хатирәләр яңарды, күз алдыннан хезмәттәшләрем, укучылар узды. Бернәрсә дә онытылырга, җуелырга тиеш түгел, -ди Мәрьям апа Нәбиева.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: