Зәй офыклары

Зәйдә “Ел укытучысы- 2021” бәйгесенең район этабы узды

Районда “Ел укытучысы- 2021” Бөтенроссия бәйгесенең муниципаль этабы үтте.

Быелгы конкурста һөнәри осталыгын күрсәтергә 60 укытучы дәгъва белдерде. Бәйгенең беренче өлешендә жюри катнашырга теләк белдергән  укытучыларның үз фәннәре буенча дәресләре видео язмада карады. “Видеодәрес” дип аталган бирем буенча һөнәрендә иң оста дип табылган 20 укытучы бәйгенең икенче өлешенә, мастер-класс күрсәтүгә сайлап алынды.

  • Без  бәйгедә катнашучыларны “Ел укытучысы”, “Педагогик дебют”, “Иң яхшы рус теле һәм әдәбияты укытучысы”, “Иң яхшы татар теле һәм әдәбияты укытучысы”, “Иң яхшы башлангыч сыйныф укытучысы” номинациясендә бәялибез. Шунысын әйтик, “Иң яхшы башлангыч сыйныф  укытучысы” һәм “Иң яхшы рус теле һәм әдәбияты укытучысы” номиницияләрен  без бары тик муниципаль этапта гына бәяләчәкбез. Бәйге положениесе буенча алар каралмаган. Әлеге бәйге -  укытучылар өчен тәҗрибә, яңа технологияләр, педагогик алымнар белән уртаклашу мәйданчыгы ул, - диде мәгариф идарәсе башлыгы урынбасары Миләүшә Вәлиәхмәтова.

Был исә бәйгенең төбәк этабы да Зәйдә узачак. Анда районыбыз данын кемнәр яклаячагын әлегә ачыклау бара.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: