Зәй офыклары

"Гараж амнистиясе" буенча Татарстан янә лидерлар рәтендә

Аның мөмкинлекләреннән республикада Чаллы халкы иң күп файдаланган.

Агымдагы елда Татарстан Росреестры тарафыннан "гараж амнистиясе" буенча гараж билгеләнешендәге 935 объект теркәлгән инде. Закон гамәлгә кергәннән бирле татарстанлылар 1 722 объект - 1084 гараж һәм 638 җир кишәрлеген милек итеп рәсмиләштергән.
Теркәлгән гаражлар саны буенча Татарстан Омск (3041 гараж), Свердловск (737 гараж), Тверь (462 гараж) өлкәләре һәм Приморье крае (427 гараж) белән беррәттән лидер төбәкләргә керде.
Татарстан Росреестры җитәкчесе Азат Җәббаров аңлатып узганча, алынган нәтиҗә муниципалитетлар белән тыгыз элемтәдә тору, шулай ук гражданнар арасында киң аңлату эшләре аркасында мөмкин булган.
Азат Җәббаров "гараж амнистиясе" мөмкинлекләреннән аеруча Чаллы (биредә 602 объект милек итеп рәсмиләштерелгән), Казан (332 объект) һәм Әлмәт районы (298 объект) халкы файдалана, дип өстәде.
"Гараж амнистиясе" гаражга гына түгел, җир кишәрлегенә дә хокукны рәсмиләштерүне күздә тота. Шул ук вакытта законнан дәүләт яки оешмадан (шул исәптән тегесеннән дә) гараж алган гражданнар һәм кооперативлардан (ГСК) гараж хуҗалары файдалана ала. Һәм башкаларга да җирле үзидарә органына - башкарма комитетка җир участогы бирү турында гариза бирергә һәм гаражның шәһәр төзелеше кодексы гамәлгә кергән көнгә кадәр, ягъни 2004 елның 30 декабренә кадәр торгызылуын күрсәтергә кирәк. Җир кишәрлеге бирү турындагы карарны Казанда – район администрацияләре, республика районнарында - җир һәм милек мөнәсәбәтләре палаталары кабул итә.

Татарстан Росреестры сайтында rosreestr.tatarstan.ru "Эшчәнлек" бүлегендә гади һәм аңлаешлы формада гаражлар рәсмиләштерү процедурасы турында гадиләштерелгән тәртиптә - "гараж амнистиясе" буенча сөйли торган методик тәкъдимнәр белән танышырга мөмкин.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: