Зәй офыклары

Зәй шәһәре

Яңалыклар

"Күңел" радиосы зур марафон үткәрә

"Күңел" радиосы 25 еллык юбилее алдыннан Татарстан радиолары арасында рекорд куячак.

"Күңел" радиосында иртәнге "2+ шоу" тапшыруын алып баручылар - Алинә Вәлиева белән Ришат Хаҗиев һәм радионың яшь популяр алып баручысы - Алмаз Хәертдинов  Татарстан радиолары рекорды китабына керү өчен тырышачаклар. Алар эфирга  9 декабрь иртәсендә чыга һәм 2 тәүлек буе микрофон алдыннан китми эшләячәкләр. Шулай итеп, "Күңел" радиосы 25 еллык юбилее алдыннан Татарстан радиолары арасында рекорд куячак.

- Әлеге тәҗрибә киләсе юбилей елында Гиннесның рекордлар китабына керү өчен әзерлек чарасы да булып тора. Радиомарафонның төп максаты – республикада "Күңел"нең дәрәҗәсен тагын да арттыру, Туган телләр һәм халыклар бердәмлеге елында ана телебезне пропагандалаучы радионың киләчәк буынны тәрбияләүдәге әһәмиятен ассызыклау, тыңлаучыларда  татар телендә яңгыраган җырларга, милли моңнарга мәхәббәт уяту,  милли кыйммәтләребезне саклауга халык игътибарын җәлеп итү, - дип аңлаталар "Күңел" радиосында.
Әлеге туктаусыз марафон гадәти эфирдан аерылып торачак. Программада онлайн концертлар, җылы әңгәмәләр, бүләкләр уйнату, туры эфирда тыңлаучылар белән аралашу булачак. Татар эстрадасының танылган йолдызлары – Илсаф (Ильсур Сафин), Ильмира Нәгыймова, Илшат Хәмәдиев, Руслан Кираметдинов, Зәринә Хәсәншина, Рәдиф Зарипов бу көннең көтеп алынган кунаклары булачак.

Гомумән, бу көнне радионың ишекләре һәркем өчен ачык булачак. Алып баручыларны, бигрәк тә төнлә, үсендереп, дәрт өстәп, кәефләрен күтәреп торырга теләгән һәркем килеп, уңышлар теләп китә ала. Шуны искәртәбез, алып баручыларга эфирда 30 сәгать буе эшләргә, шулай ук  билгеле бер кагыйдәләр һәм шартларны үтәргә туры киләчәк.
- Сезне дә 9-10 декабрьдә безнең белән үткәрергә чакырабыз! Кушылыгыз! Әлеге 30 сәгатьлек эфир тарихка кереп калачак! "Күңел" тарихын бергәләп языйк!, - диләр "Күңел" радосы алып баручылары.

Фотолар "Күңел" радиосыннан.
 

Следите за самым важным и интересным в Telegram-каналеТатмедиа

Галерея

Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев