Зәй офыклары

Кырымның "Ак Барс" базасына Татарстаннан балалар ял итәчәк

Базага тест режимындагы сменада катнашучы 40 студент килде.

Кырымның Форос бистәсендәге балалар һәм яшьләрнең "Ак Барс" сәламәтләндерү комплексы беренче кунакларны кабул итте. Базага тест режимындагы сменада катнашучы 40 студент килде. Алар балалар сменаларын оештырырга ярдәм итәчәк. Бу турыда "Татар-информ" МА хәбәр итә.

"Хәзер "Ак Барс" территориясендә беренче, техник дип йөртелгән смена уза. Активистлар ярдәмендә без тест сменасын сыныйбыз: логистика мәсьәләләрен карыйбыз, инфраструктура объектларын, туклану, яшәү шартларын тикшерәбез. Бу хәзер бик мөһим, чөнки быел җәен лагерь территориясенә беренче "Сәләт – Кырым" профильле сменасында катнашучы балалар киләчәк", – диде комплекс директоры Илнур Кашапов.

Алда торган эш күләме зур булуга карамастан, тест сменасында катнашучылар өчен дә белем бирү һәм иҗат программалары оештырылган, дип ачыклык кертте комплекс директоры.

"Диңгез һәм кояш берәүгә дә ошамый калмас, әлбәттә. Әмма табигый уңайлыклар лагерь инфраструктурасы заманча яшәү шартлары, матур мәйданчыклар белән тулылана. Биредә уку, җырлау, бию, спорт белән шөгыльләнү мөмкинлеге бар. Балалар бик шат булачак!" – ди сменада катнашучы Таңсылу Мостафина.

 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: