Зәй офыклары

Татарстанда авыл хуҗалыгы исәбен алуда планшетлар кулланачаклар

Татарстанның авыл хуҗалыгы исәбен алуда беренче тапкыр планшет компьютерлар кулланылачак, алар белән Бөтенроссия халык санын алучыларга эшләргә туры киләчәк.

Бу хакта Татарстанстат җитәкчесе Наталья Гатауллина Татарстан Республикасы территориясендә 2021 елгы авыл хуҗалыгы санын алуны әзерләү һәм уздыру буенча ведомствоара комиссия утырышында сөйләде.

 

"Без беренче тапкыр бу компьютерлар белән эшли башлыйбыз, — дип аңлатты спикер. - Планшетларда „Аврора“ операция системасы урнаштырылган, безнең сан алучылар аны үзләштерәләр. Халык санын алуга 9,5 меңнән артык компьютер җәлеп ителәчәк. Ә хәзер без сан алучыларга 880 электрон җайланма һәм инспекторлар өчен тагын 147 планшет әзерләдек".

1 августка Татарстанда 594 авыл хуҗалыгы оешмасы, 2530 крестьян һәм фермер хуҗалыгы һәм шәхси эшмәкәр, 1383 бакча-яшелчәчелек ширкәте һәм 420 меңнән артык шәхси ярдәмче хуҗалык авыл хуҗалыгы исәбен алырга тиеш. Авыл хуҗалыгы оешмалары, крестьян хуҗалыклары һәм шәхси эшмәкәрләр буенча мәгълүматлар җыю Росстат системасы аша электрон исәпкә алу кәгазьләрен үзлегеннән тутыру юлы белән башкарылачак. Шәхси ярдәмче һәм башка шәхси хуҗалыклар турында мәгълүмат җыюны сан алучылар планшет компьютерларында электрон исәпкә алу кәгазьләре ярдәмендә үткәрә, дип яза "Татар-информ" МА.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Реклама
Комментарии (0)
Осталось символов: