Зәй офыклары

Татарстанда эшләми торган көннәрдә барлык вакцинация пунктлары да эшләячәк

20 октябрьдә РФ Президенты Владимир Путин указы белән яңа коронавирус инфекциясенең алга таба таралуына юл куймау максатыннан Россия күләмендә 30 октябрьдән 7 ноябрьгә кадәрге чор хезмәт хакын саклаган хәлдә эшләми торган көннәр дип игълан ителде.

Татарстанның сәүдә үзәкләре, фитнес-клублары һәм банкларындагы коронавируска каршы вакцинация пунктлары ял көннәре дип игълан ителгән 30 октябрьдән 7 ноябрьгә кадәрге чорда да эшләвен дәвам итәчәк. ТР сәламәтлек саклау министрының беренче урынбасары Альмир Абашев «Татар-информ» агентлыгында узган матбугат конференциясендә шулай дип белдерде.

«Барлык вакцинация пунктлары да гадәти эш атнасы режимындагы кебек үк эшләячәк», - дип искәртте спикер.

Республикадагы барлык медицина оешмалары да эшләвен дәвам итәчәк.

20 октябрьдә РФ Президенты Владимир Путин указы белән яңа коронавирус инфекциясенең алга таба таралуына юл куймау максатыннан Россия күләмендә 30 октябрьдән 7 ноябрьгә кадәрге чор хезмәт хакын саклаган хәлдә эшләми торган көннәр дип игълан ителде.

Татарстан Президенты Рөстәм Миңнеханов карары нигезендә, Коронавирус инфекциясе таралуга каршы көрәш буенча оператив штаб белән берлектә республикада эшләми торган көннәр, күпчелек төбәкләрдәге кебек үк, 31 октябрьдә башланып 7 ноябрьгә кадәр дәвам итәчәк.

Зәй шәһәр һәм район халкы үзләренә уңайлы булган прививка пунктларында коронавирустан вакцинацияне уза алалар:


- дүшәмбе-җомга - үзәк район хастаханәсе поликлиникасында 8:00дән 17: 00гә кадәр, төшке аш 12:00дән 13:00гә кадәр, шимбә һәм якшәмбе 8: 00дән 12:00гә кадәр;


- дүшәмбе-җомга кабул итү бүлегендә - 18:00дән 22:00 сәгатькә кадәр, шимбә һәм якшәмбе 12:00дән 22:00 сәгатькә кадәр;


- “Салават күпере” поликлиникасында - 9:00дән 16:00гә кадәр, төшке аш 12:00дән 13:00гә кадәр;


- Иске Зәй табиб амбулаториясендә - 9:00 дән 16:00 сәгатькә кадәр, төшке аш 12:00 дән 13:00 гә кадәр;


- Мирный микрорайонындагы табиб амбулаториясендә эш көннәрендә 9:00 дән 16:00гә кадәр. 12:00-13:00 - төшке аш, шимбә, якшәмбе – ял көннәре.

 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Реклама
Комментарии (0)
Осталось символов: