Бөек Җиңүгә 73 ел тулу уңаеннан барлык сугыш һәм тыл ветераннарын, Зәй районы халкын Камская ссудная касса оешмасы бәйрәм белән тәбрик итә.

Авыр елларда сугыш кырында үз-үзләрен аямый көрәшкән батырлар, фронт өчен, ирекле тормыш өчен көнне-төнгә ялгап хезмәт куйган хатын-кызлар, балалар, өлкән буын безгә рух ныклыклары белән үрнәк булып торалар.
Ничәмә-ничә еллар узса да, күп буыннар берсен-берсе алыштырса да, Совет иленең азат халкы батырлыгы беркайчан онытылмас, якты йолдыз булып, яшь буыннарга дөрес юл күрсәтер, Ватанны сөяргә, туган илең хакына көрәшергә өйрәтер. Рәхмәт сезгә, хөрмәтле ветераннарыбыз! Гомерегез озын, сәламәтлегегез нык, көннәрегез тыныч булсын!