Сармашбаш авылында яшәүче Люция Әхмәтбай кызы Әюповага 24 апрельдә 70 яшь тула.

Сармашбаш авылында яшәүче Люция Әхмәтбай кызы Әюповага 24 апрельдә 70 яшь тула.
Кадерле әниебез, әбиебез, тормыш иптәшем, сине матур юбилеең белән чын күңелдән котлыйбыз. Көннәрең шатлык белән үтсен, йөзеңнән елмаю китмәсен, гомер юлың озын булсын, кайгы-хәсрәт күрми, һаман шулай безгә терәк булып, әтиебез белән бергә матур итеп яшәгез. Төпле киңәшең, җылы сүзең, нурлы йөзең өчен - барысы өчен дә зур рәхмәт сиңа.
Котлы булсын, әнкәй, туган көнең,
Балкып торсын һәрчак йөзләрең.
Кайгы-хәсрәт күрми, шатлык белән
Үтсен иде алдагы көннәрең.
Җырымның моңы, тормышым нуры,
Кадерлем минем, газизем минем,
Игелек тулы олы йөрәкле,
Мәңге яшь, гүзәл - әнием минем.
Сау-сәламәт, шат һәм көләч бул,
Иксез-чиксез булсын бәхет мизгелләрең!
Ходай сиңа озын гомер насыйп итсен -
Сиңа юллыйбыз теләкләрнең изгеләрен.
Иң изге теләкләр белән кызларың Ландыш, Миләүшә, кияүләрең Илгиз, Илнур, оныкларың Гөлназ, Гөлнара, Диләрә, Булат. Безнең теләкләргә әтиебез дә кушыла.