Сарсаз-Баграж авылында яшәүче Елизавета Федоровна Утягановага 2 гыйнварда 80 яшь тула.

Кадерле әниебез, әбиебез, сине гомер бәйрәмең белән чын күңелдән котлыйбыз. Син – өебезнең нуры, күңелебез яктылыгы, тормышыбыз яме. Син гади, матур яшәдең һәм яшисең, син кешеләргә бары яхшылык кына телисең. Күңелең чиста, керсез. Намуслылык, гадилек, тырышлык – сине бизәүче асыл сыйфатлар.   Кадерлебез, сиңа сәламәтлек, бәхетле картлык, шатлык-куанычлар, кайгы-хәсрәтсез көннәр, балаларың һәм оныкларыңның күңел җылысын тоеп, игелекләрен генә күреп, озын гомер кичерүеңне телибез.  Өстәлең һәрвакыт мул, җаның тыныч, күңелең күтәренке булсын. Әле күп еллар бәхетле әни, яраткан әби булып яшәргә язсын.
Исән-сау бул, Ходай сиңа
Гомер бирсен, бирсен сабырлык.
Кайгыларсыз үтсен һәрбер көнең,
Ә бәхетең булсын гомерлек.
Бәхет таңы көлеп каршыласын,
Шат елмайсын һәрчак йөзләрең.
Кадерлебез булып мәңге шулай
Иминлектә үтсен көннәрең.
Иң изге теләкләр белән балаларың, оныкларың.