Бүләкне – депутат кулыннан

Халыкка социаль хезмәтләр күрсәтү үзәге өчен 2013 ел уңышлы тәмамланды. Үзәк "Россия югары социаль нәтиҗәлелек оешмасы" Бөтенроссия конкурсының республика этабында катнашып, "Җитештерү белән шөгыльләнмәгән өлкәдә кадрлар потенциалын үстергән өчен" номинациясендә III урын алды. Конкурсның федераль этабына агымдагы елның февраль аенда нәтиҗә ясалачак.

Үзәк директоры Лидия Ларионова Мактау грамотасын «Татарстан Республикасы профсоюзлар федерациясе» иҗтимагый оешмасы рәисе, ТР Дәүләт Советы депутаты Татьяна Павловна Водопьянова кулыннан алды.