Гаилә бәхете – балаларда

Баланың дөньяга аваз салуы - ата-аналар, туганнар һәм якыннар өчен истәлекле һәм шатлыклы вакыйга, чөнки алар тормышыбызга ямь өсти һәм киләчәккә өмет уята. ЗАГС бүлегендә бер төркем әниләргә ана капиталына дәүләт сертификатлары тапшыру тантанасы булды. Бу юлы ул 4 әнигә тапшырылды. Дөньяга яңа аваз салган Ульяна - Леонтьевлар гаиләсендә өченче бала. Мархамовлар, Верясовлар, Макаровлар гаиләләрендә икенче бала туды. Яңа туган балаларның әти-әниләрен "Бердәм Россия" сәяси партиясенең җирле бүлеге вәкиле Ирина Кәбирова, ЗАГС бүлеге баш белгече Ландыш Ананьева котлады, пенсия фонды идарәсе белгече Надежда Монахова сертификатлар тапшырды.