Өстәмә сайлаулар узды

2 мартта Якты Күл авыл җирлегендә муниципаль берәмлекнең вәкиллекле органына депутат сайлау буенча өстәмә сайлаулар үтте.

Җирлекнең 7нче Үтәшкин бермандатлы сайлау округы буенча депутатлыкка 3 кандидат теркәлгән иде. Алар - "Бердәм Россия" сәяси партиясенең җирле бүлеге тәкъдим иткән Сергей Юрьевич Афонин, үзен үзе тәкъдим иткән Александр Владимирович Воронин, ЛДПР партиясе тарафыннан тәкъдим ителгән Римма Әнәс кызы Тутаева.

Сайлауларда халыкның 85 проценты катнашты. Күпчелек тавышны җыеп (98,82 процент), "ТатЭК" ЯАҖ генераль директоры урынбасары Сергей Афонин депутат итеп сайланды.

Район территориаль сайлау комиссиясе.