Шикле әйбергә юлыкканда...

Хөрмәтле зәйлеләр һәм шәһәребез кунаклары! Соңгы вакытларда гражданнар тарафыннан шикле әйберләргә юлыгу очраклары булып тора. Андый предметлар транспортта, подъезд баскычларында, фатир ишеге төбендә, учреждениеләр, җәмәгать урыннарында табыла.

Табылган хуҗасыз әйбергә кагылмагыз, урынын күчермәгез, ачмагыз.

Шикле табылдыкка үз белдегегез белән барып ябышмагыз, ул шартлаткыч булып, күпсанлы кешеләр үлеменә, җимерүгә китерергә мөмкин икәнен исегездән чыгармагыз.

Хәвефле хәлгә юлыкканда хәбәр итү өчен телефоннар:

02, 7-02-02 - шәһәр-район эчке эшләр бүлеге;

7-14-69 - Татарстан буенча федераль куркынычсызлык хезмәтенең Зәй шәһәре бүлеге.

Исегездә тотыгыз: мондый очракта кәрәзле телефоннан шалтырату катгый тыела!