Су коеныр чак җитә

Көннәр эсселәнеп китү белән зәйлеләр су коену урыннарына юл тотачак. ГРЭС янындагы су керү урынының быелгы җәйге сезонга әзерлеге ничек? Әлеге мәсьәләне шәһәр Советы депутатлары (законлылык, регламент һәм депутат этикасы буенча даими комиссия әгъзалары) үз контроленә алды.

Биредә алар катнашында ике киңәшмә үтте. Аның беренчесендә коену, кызыну урыннарын тиешле таләпләргә җавап бирерлек хәлгә китерү мәсьәләләре каралса, икенчесендә аларның үтәлеше тикшерелде. Әйтергә кирәк, планлаштырылган эшләрнең барысы да үтәлгән. Инде сулык төбен чистарту буенча водолазлар да эшләде.