Зәйдә ветераннар игътибар үзәгендә

Бөек Җиңүнең 70 еллыгы якынлашу уңаеннан Зәй районында сугыш һәм тыл ветераннарына медицина тикшерүе тирәнрәк үткәрелә. Агымдагы елда 74 сугыш ветеранына, 154 тол калган хатын-кызга җентекле медицина тикшерүе үткәрелде. Аларның 84,7 процентына гомумпрактика табибы өйләренә йөреп хезмәт күрсәтә. Моңа өстәп, 373 тыл ветераны да тиешле тикшерү узды. Сәламәтлекләре какшаучыларга дәвалау-сәламәтләндерү курслары билгеләнеп, аларның тиешле дәрәҗәдә оештырылуы контрольдә тотыла. Сугыш ветераннары, инвалидларга дәваханәдә уңайлыклар тудырылган палаталар булдырылды.