Актив катнашыйк!

Ил күләмендә "Россия-10" мультимедия бәйгесе бара. Аны 25 марттан "Россия1" телеканалы «Рус» географик җәмгыяте белән берлектә оештыра. Бәйгегә Татарстаннан Кол Шәриф мәчете һәм тагын берничә архитектура һәм табигый объектлар тәкъдим ителде. Идел буе федераль округы буенча Кол Шәриф мәчетенең беренче унлыкка керү мөмкинлеге зур. Моның өчен 29 сентябрьгә кадәр тавыш бирергә кирәк. Тавыш бирүнең беренче этабы июнь ахырына кадәр интернетта "Россия10" проекты сайтында 10russua.ru һәм 10россия.рф.адреслары буенча үткәрелә. Анда һәр 8 федераль округтан 10 иң матур, эчтәлекле объект билгеләнәчәк. Татарстан данын яклап тавыш бирүдә зәйлеләрне дә актив катнашырга чакырабыз.