Операция старт алды

Бүгеннән республикада, Россия эчке эшләр министрлыгы боерыгы үтәү йөзеннән, "Куркынычсыз йорт, подъезд, фатир" операциясе старт алды. Аның кысаларында район эчке эшләр бүлеге ведомстводан тыш сак хезмәте полицейскийлары да һәр йортка, фатирга йөреп, кешеләргә караклардан саклану чараларын, гадәттән тыш хәлләрдә нәрсә эшләргә кирәклеген аңлатуга кереште. Операция барышында күпкатлы йортларның чорма, подваллары да тикшерелә. Гомумән, районның ведомстводан тыш сак хезмәте 292 объектны, 213 фатирны даими күзәтү астында тота.