“Йорты – авыл бизәге”

Авылда матур йорт яныннан узганда битараф кына үтеп китә алмыйсың, туктап, матурлыгына сокланып карап торасың. Җирлекләрнең социаль йөзе бизәкле йортлары, төзек каралты-куралары белән дә билгеләнә шул. Ә андый йортлар безнең районыбыз авылларында да җитәрлек. Заманча материаллар куллану өстенә, зәвыклы, затлы итеп, нинди генә орнаментлар кулланып бизәлмәгән алар. Бизәк ясау - үзенә бер сәнгать тә. Редакция менә шундый челтәрле, рәсемле йортларны кыскасы, матурлыкны халыкка күрсәтү йөзеннән "Йорты - авыл бизәге" дигән акция игълан итә һәм укучылардан үз авылларындагы шундый йортлар турында кыска гына язма белән рәсемнәр көтә. Рәсемгә төшерү мөмкин булмаганда безгә хәбәр итү дә җитә.