Яңа юлны йөгереп сынадылар

7 октябрьдә быел төзекләндерелеп файдалануга тапшырылган юлларда җиңел атлетика кроссы уздырылды. Акциядә "Чаңгычы" балалар-яшүсмерләр мәктәбендә шөгыльләнүчеләр катнашты. Иске Зәй, Воздвиженка бистәләре, шәһәрнең Горбунов, Чулпан, Сара Садыйкова, Партизан урамнары, Җиңү проспектына балалар автобусларда килделәр һәм яңа юллар ныклыгын йөгереп сынап карадылар. Бу, бер яктан, яшь йөгерешчеләр өчен өстәмә күнекмә булса, икенче яктан, шәһәрдә башкарылган эшләрне күрсәтү, төзеклекне, матурлыкны саклауга игътибарны җәлеп итү акциясе дә булды.