Бүгенгә – 44 процент

Зәй районында игеннәр 18697 гектар мәйданда җыеп алынды. Бу - барлык мәйданның 44 проценты. Барлыгы 47864 тонна ашлык суктырылды. Уңыш - гектарыннан уртача 25,6 центнер.

Агрофирмалар арасында уңышны иң күп алучы - «Зәй шикәре», гектарыннан 30 центнерга якын, «Восток»та ул - 26, «Зәй»дә - 24, «Нива» ҖЧШендә 20 центнер тәшкил итә.

Шунысын да әйтик, уҗым культураларын җыеп алу төгәлләнде, бүген басуларда арпа, солы, борчак суктыру бара.