Комбайнчылар вакытның кадерен белә

Зәйдә урак темпы артканнан арта бара, механизаторлар вакытның кадерен белеп эшли. 31 июльгә авыл хуҗалыгы һәм азык-төлек идарәсеннән алынган мәгълүматлар буенча, район буенча барлыгы 8300 гектар мәйданда ( көзге бодай һәм арыш) ашлык суктырылган. Бу - барлык мәйданның 21 проценты дигән сүз. Уңыш гектарыннан уртача 25, 4 центнер тәшкил итә. Урып-җыюда "Зәй" агрофирмасы лидерлык итә, биредә 21 процент эш башкарылган. "Восток"та бу күрсәткеч - 13, "Зәй шикәрен"дә 10 процент тәшкил итә. "Нива"да ныклап урып-жыюга керештеләр.