Кыр эшләре белән таныштылар

Татарстан Республикасы Дәүләт Советы Рәисе Фәрит Мөхәммәтшин һәм Татарстан Премьер-министры урынбасары, авыл хуҗалыгы һәм азык-төлек министры Марат Әхмәтов, районда булып, кыр эшләренең барышы, чәчүлекләрнең торышы белән таныштылар.

Башта Фәрит Мөхәммәтшин һәм Марат Әхмәтов, район башлыгы Татьяна Воропаева белән берлектә, район басуларын вертолеттан карап әйләнделәр һәм "Восток" агрофирмасының "Ялкын" хуҗалыгы басуында "Агрокөч-Төркем" АҖ җитәкчелеге, районның агросәнәгать комплексы җитәкчеләре һәм белгечләре, крестьян (фермер) хуҗалыклары, авыл җирлекләре башлыклары белән киңәшмә уздырдылар.