Җиңел юл белән акча эшләргә теләгән

Шәһәр судында 58 яшьлек зәйленең ялган гариза язуына карата кузгатылган җинаять эше буенча хөкем карары чыгарылды. Судта дәүләт гаепләүчесе буларак чыгыш ясаган прокуратура хезмәткәре мәгълүматы буенча, ир-ат фатирымнан 5 мең сум акча урладылар дип полиция бүлегенә гариза яза. Тикшерүләр барышында аның ялган юл белән акча юнәтергә теләве ачыклана. Нәтиҗәдә ир-ат Россия Федерациясе Җинаять кодексының 306нчы маддәсе 1 нче бүлеге нигезендә 240 сәгать мәҗбүри хезмәт башкаруга хөкем ителә.