Җинаять эше законлы дип табылды

Март башында эчке эшләр бүлегенең участок вәкаләтлесенә карата Тукай районара тикшерү комитеты бүлеге Россия Федерациясе Җинаять кодексының 285нче маддәсе 1 бүлеге, 292 маддәсе 2 бүлеге нигезендә, хезмәт мөмкинлекләреннән явыз нияттә файдаланып, ялган беркетмә төзегән өчен җинаять эше кузгатты. Участок вәкаләтлесе, документларын таләп итмичә генә, ике гражданга карата административ хокук бозу турында беркетмә төзи. Шуның нәтиҗәсендә бөтенләй гаебе булмаган ике гражданинга 7 тәүлеккә административ арест салына. Шәһәр прокуратурасы участок вәкаләтлесенә карата кузгатылган әлеге җинаять эшен законлы, нигезле дип бәяләде.