Сорау – җавап

-Баланың туган көненә ике бер төсле уенчык компьютер бүләк иттеләр. Аның берсенә баланың аң үсеше өчен кызыклы булган башка шундый электрон уенчыкка алыштыру теләге белән касса чегы нигезендә кибеткә мөрәҗәгать иттек. Бер атна гына узуга карамастан, безгә уенчыкны алыштырудан баш тарттылар. Сатучы бу очракта хаклымы?

- Сезнең өчен бик шатлыклы хәбәр булмаса да, бу очракта сатучы хаклы. Россия Хөкүмәтенең 1998 ел 19 гыйнварда чыккан 55нче карары нигезендә электрон уенчыклар, сыйфаты начар булмаганда, кире алынмый һәм алыштырылмый.