Дин әһелләре форумы узды

Казанда "Милли тормыш һәм дин" V Бөтенроссия татар дин әһелләре форумы узды. Аның эшендә ТР Президенты Рөстәм Миңнеханов, ТР Президенты Аппараты җитәкчесе Әсгать Сәфәров, Россия Федераль Җыены Дәүләт Думасы депутаты, федераль татар милли-мәдәни мохтарияте рәисе Илдар Гыйльметдинов, ТР Дәүләт Советының Мәдәният, фән, мәгариф һәм милли мәсьәләләр комитеты рәисе Разил Вәлиев, Бөтендөнья татар конгрессы Башкарма комитеты рәисе Ринат Закиров һ.б. рәсми затлар катнашты. Форум эшенә Россия Федерациясенең 52 төбәгеннән 800дән артык рухани, Зәйдән исә имам-мөхтәсиб Сәгыйть хәзрәт Камалов чакырылды.